പേമാരി

ഇനിയൊരു മഴ കാത്തിരിക്കാം-

വരണ്ടുണങ്ങിയ ഹൃദയധമനികൾ കുതിർന്നെഴുന്നേൽക്കുമെങ്കിൽ-

ഉഷ്ണക്കാറ്റിൽ കരിഞ്ഞുണങ്ങിയ ശിഖരങ്ങളിലെ ഇലകൾക്ക് ഇനിയൊരു പുനർജ്ജനി നൽകാമെങ്കിൽ-

ആളിക്കത്തിയ കാട്ടുതീയിൽ വെന്തുരുകിയ ജീവനുകൾക്ക് മോക്ഷമുണ്ടെങ്കിൽ-

ഒഴുക്കുനിലച്ചൊരു നദിക്ക് ജീവശ്വാസം നൽകാമെങ്കിൽ-

വറുതിയറിഞ്ഞൊരു കുടിലിൽ അടുപ്പ് പുകയുന്നുണ്ടെങ്കിൽ-

മീസാൻ കല്ലുകൾക്ക് കുളിരണിയുമെങ്കിൽ-

ഇനിയീകോലായിൽ എനിക്ക് ചൂടുപകർന്ന്
നീയുണ്ടെങ്കിൽ-

കാത്തിരിക്കാം ഒരു പേമാരിയെ......!!!