അങ്ങനെ ഒരു കേരളോത്സവക്കാലം വീണ്ടും എത്തുകയാണ്....
ഞങ്ങളീ നാട്ടിൻപുറത്തുകാർക്ക് ആഘോഷിക്കാവുന്നതെല്ലാം ആഘോഷിക്കണം അതിപ്പോ പൂരമായാലും പെരുന്നാളായാലും എന്ത് പണ്ടാരമായാലും...
പറഞ്ഞു വന്നത് എന്താന്ന് വെച്ചാല് ഓരോ കേരളോത്സവും യുദ്ധങ്ങളാണ് ക്ലബ്ബുകളുടെ കുടിപ്പക തീർക്കാനുള്ള അവസരമാണ്...ഒരു പഞ്ചായത്തിലെ മുഴുവൻ ക്ലബ്ബുകളും പങ്കെടുക്കുന്നതായതുകൊണ്ട് വാശി ഇത്തിരി കൂടും...ഇങ്ങനെ തിളക്കുന്ന ചോര ചിലപ്പോ കൈയ്യാങ്കളിയിലും അവസാനം അത് പൊരിഞ്ഞ ചേരിപ്പോരിലും ആയിരിക്കും അവസാനിക്കുക...
ഞങ്ങടെ നാട്ടിലും ഉണ്ട് ഒരു കിടിലോസ്കി ക്ലബ്ബ് "ബോബി കൊണ്ടയൂർ"
പേര് കേട്ടാൽ അപ്പൊ വിറയ്ക്കും.. ആരെന്ന് പിന്നെ പറയാം...
അപ്പൊ അങ്ങനെ നമ്മുടെ ശക്തി കേന്ദ്രങ്ങളായ വോളീബോളിൽ ഈ പഞ്ചായത്തിലേ എതിരാളികൾ ഇല്ലാതിരുന്ന കാലം, അപ്പോഴാണ് ചില ആൾക്കാർക്ക് ഒരു തോന്നല് ഇപ്രാവശ്യം വോളിയിൽ മാത്രമല്ല ഫുട്ബോളിലും കരുത്തു തെളിയിക്കണം എന്ന്...ഇനിപ്പോ അതില്ലാതെ ഒരു കുറവ് വേണ്ട.. അങ്ങനെ കൈയടിച്ചു പ്രമേയം പാസാക്കി...
കാര്യം നമ്മുടെ പൂർവികർ നല്ല കിടുക്കാച്ചി കളിക്കാരായിരുന്നു എന്നു പറഞ്ഞു കേട്ടിട്ടുണ്ട് "അരുണാപ്പനും ബഷീർക്കയും മുരളിയേട്ടനും സിദ്ധിക്കയും ഒക്കെ ഇണ്ടാർന്ന കിടുക്കാച്ചി ടീമ്.."
എന്തൊക്കെ ആയാലും കല്ലി വല്ലി എന്നും പറഞ്ഞ് കളരി പരമ്പര ദൈവങ്ങളെ മനസ്സിൽ ധ്യാനിച്ച് അങ്ങിറങ്ങി...
അപ്പോഴാണ് അടുത്ത പ്രശ്നം നമ്മളന്ന് പഴയ ഇന്ത്യൻ ടീം ആണ്, എന്താ കാര്യം..? ആർക്കും ബൂട്ട് ഇട്ടിട്ട് കളിക്കാനും അറിയില്ല!!! ശുഭം... ദേ കിടക്കുന്നു.
കളിയുടെ തലേ ദിവസം വൈകീട്ടാണ് ഈ പ്രശ്നത്തിന്റെ ഗൗരവം കണക്കിലെടുക്കുന്നത് എല്ലാവരും..കുടുങ്ങിയോ എങ്ങനെ ഒപ്പിക്കാനാണ് ഈ പറഞ്ഞ സാധനം..?
അപ്പോഴാണ് കഞ്ഞിരക്കോട് നിന്നും കുടിയേറിപ്പാർത്ത ഞങ്ങടെ കരുത്തുറ്റ ലെഫ്റ്റ് ബാക്ക് "അപ്പു" ഇടപെടുന്നത്, ഈ പറയുന്ന സാധനം അവൻ അവന്റെ പണ്ടത്തെ നാട്ടിൽ ആരൊക്കെയോ ഉപയോഗിക്കുന്നത് കണ്ടിട്ടുണ്ട് ത്രേ!!!!
'ഹാവൂ സമാധാനം'.
അപ്പൊ തന്നെ സാധനം വാങ്ങാൻ "ജിനുവും" അവനും കൂടി പുറപ്പെട്ടു..(ജിനു അന്നും ഇന്നും എന്നും ഞങ്ങടെ "വലെന്റിനോ റോസ്സി" ആണ്.)ഒരു മണിക്കൂറുള്ളത് അവൻ എങ്ങനെ പോയാലും ഒരു മുക്കാൽ മണിക്കൂറിൽ ഒതുക്കും...അതോണ്ടെന്താ സാധനം പറഞ്ഞ സമയത്തിന് എത്തി.
എല്ലാവരുടെ മുഖത്തും ഒരു യുദ്ധം ജയിച്ച പ്രതീതി ആയിരുന്നു.
TBC
