പകുതിയായ് പിരിച്ച കാർമേഘങ്ങളെ ഇനിയൊന്നു സ്വതന്ത്രരാക്കുക,
വേർപെട്ടുപോയവയെ ഒന്നിച്ചലയാൻ വിടുക,
ഇഷ്ടങ്ങളും സ്വപ്നങ്ങളും പെയ്തൊഴിയാൻ
ഇടം നൽകുക...
ഹൃദയത്തിൽ പൂട്ടിയിട്ട നക്ഷത്രത്തെ തുറന്നുവിടുക...
അനന്തമായ ആകാശത്തെ മണ്ണിലലിഞ്ഞു പ്രണയിക്കുക...
ഓരോ പ്രണയപുഷ്പവും മഴത്തുള്ളിയായ് പുൽകാൻ കാത്തിരിക്കുക...
അവസാനം....അവസാനം മാത്രം അത്രമേൽ പ്രീയപ്പെട്ട ഓർമകളെ മറവിക്ക് ഭക്ഷിക്കാനായി നൽകുക....
ഈ എട്ട് ഗോൾ കാരണം തല ഉയർത്തി നടക്കാൻ പറ്റാത്ത അവസ്ഥ ആയി എന്ന് പറഞ്ഞാൽ മതിയല്ലോ...
സ്കൂളില് പോയാല് മൊത്തം ഡാർക്ക് സീൻ..
ഇത്രയും കൂടുതൽ അവിടെ വേറെ ആർക്കും കിട്ടിയിട്ടില്ല ന്ന്...സന്തോഷമായി ഗോപിയേട്ടാ...
അവിടുന്ന് തുടങ്ങുകയായിരുന്നു ഞങ്ങടെ ഉയിർത്തെഴുന്നേൽപ്പ്...കൂടുതൽ ചവിട്ടി താഴ്ത്താൻ നോക്കും തോറും നമുക്ക് എണീക്കാനുള്ള ത്വര കൂടും എന്ന് പറയുന്നത് ശരിയാണ്...
എല്ലാവർക്കും ഒരുതരം വെറി ആയിരുന്നു...
തിരുവാതിരക്ക് ചോഴി കെട്ടി കിട്ടിയ കാശ് കൊണ്ട് "വടക്കാഞ്ചേരി ചലൻജിൽ" നിന്നും പുതിയ കിറ്റ് വാങ്ങി...യുണൈറ്റഡിന്റെ കറുത്ത എവേ കിറ്റ്.
പതുക്കെ പുതിയ ഒരു ടീം ഉരുത്തിരിഞ്ഞു വന്നിരുന്നു കുഞ്ഞാന്റെ നേതൃത്വത്തിൽ...
കീപ്പർ അജയൻ
ലെഫ്റ്റ് ബാക്ക് പറവ അപ്പു
സെന്റർ ബാക്ക് വിഷ്ണു
റൈറ്റ് ബാക്ക് ക്യാപ്റ്റൻ കുഞ്ഞാൻ
ലെഫ്റ്റ് വിങ്ങിൽ ഞാൻ
സെന്റർ ഫോർവേഡ് നെറ്റു കുട്ടൻ
റൈറ്റ് വിങ്ങിൽ റഹീം
സബിൽ
അനീഷ്, സന്ദീപ്, ഉണ്ണി
എന്നിങ്ങനെ സെറ്റ് ടീം...
