പുനർജ്ജനി

നീ മരിച്ചാലോ ഞാൻ മരിച്ചാലോ
അരികിലൊരു മരമുല്ല നടണം...
അതിങ്ങനെ മൃതിയിലലിഞ്ഞ ഹൃദയത്തിൽ
വേരാഴ്ന്നിറങ്ങി
അവസാന കണികയും മണ്ണോടലിയുമ്പോൾ
വീണ്ടും പുനർജ്ജനിക്കണം...
പൂക്കളായ്‌...
രാത്രിയിൽ അവ ഓർമകളെ
സ്നിഗ്ധഗന്ധമുള്ളതാക്കട്ടെ...

പുതുമഴമണമുള്ള ചുടുചുംബനങ്ങൾ

വാനമേ നീയിനിയും പെയ്യുക...
തീരാതെ നീളുന്ന വഴികളിൽ നിന്റെ
നീണ്ട ചുംബനങ്ങൾ നൽകുക...
വറ്റിവരണ്ട ഊഷര ഭൂമിയിൽ സ്വപ്നങ്ങളുടെ പുൽനാമ്പുകളെ
പുനർജ്ജനിപ്പിക്കുക...
അവളിലൊരുന്മാദമായ്
പെയ്തൊഴിഞ്ഞ്
അടങ്ങാത്ത വിരഹ താപം ശമിപ്പിക്കുക.