നീ ശരിക്കും ഋതുവാണ്....
നിനക്ക് പല നിറങ്ങളാണ്...
പല മണങ്ങളും...
ചിലപ്പോ നീ മഴയാണ്...
ചിലപ്പോഴെല്ലാം എന്നെ വരൾച്ചയുടെ അഗാധത്തിലേക്ക് തള്ളിയിടുന്ന വേനലും...
ചിലപ്പോഴെല്ലാം നിനക്ക് ചന്ദനത്തിന്റെ മണമാണ്...
ചിലപ്പോഴെല്ലാം നീ കറുപ്പാണ്....
നീ ഉദയമാണ്...
ചിലപ്പോഴെല്ലാം ഉന്മാദവും...
ചിലപ്പോഴെല്ലാം നീ തീ ആകാറുണ്ട്...
ചിലപ്പോഴെല്ലാം തൊടുമ്പോൾ തണുപ്പരിച്ചുകേറുന്ന പളുങ്ക് പാത്രവും നീയാണ്...
നിന്റെ പൊക്കിൾ ചുഴിയിലൊളിപ്പിച്ച ലോകം സ്വപനങ്ങളുടേതാണ്...
ചിലപ്പോഴൊക്കെയും നീയൊരു തമോഗർത്തമാണ് ഒരിക്കെ വീണ് പോയാൽ ഒരു മടക്കമില്ലാത്ത തമോഗർത്തം...
ചിലപ്പോഴെല്ലാം നീയെന്റെ കവിതയുടെ ആത്മാവാണ്...
ചിലപ്പോഴെല്ലാം നീയെന്റെ കവിതയും...
ചിലപ്പോഴെല്ലാം നീയെന്റെ ഓർമകളാണ്...
ചിലപ്പോഴെല്ലാം സ്വപ്നവും...
ചിലപ്പോഴെല്ലാം നീയൊരു കടലാണ്,
കരയിലുള്ള ഞാൻ വീണ് മരിക്കാൻ ആഗ്രഹിക്കുന്ന കടൽ...
നീയെന്റെ പ്രണയമാണ്...ആകാശമാണ്...
അവസാനമാണ്!!!
No comments:
Post a Comment