നദി

ആത്മ നൊമ്പരങ്ങൾ അത്രമേൽ ആഴത്തിൽ-
വേരാഴ്ന്നിറങ്ങിയിട്ടും....
ഹൃദയധമനികൾ അറുത്തുമാറ്റിയിട്ടും....
നിന്നിലേക്ക് പടർന്ന്-
നിന്നിലലിഞ്ഞില്ലാതെയായിട്ടും...
നിശബ്ദം ചലിച്ചിരുന്ന സമയചക്രത്തെ-
പ്പിന്നിലാക്കി നിന്നിലേക്കുമാത്രം ഒഴുകിയിറങ്ങിയിരുന്നൊരു
നദിയുണ്ടായിരുന്നു...
ഒരിക്കലും വറ്റാതെ.. കണ്ണാടിപോലെ തിളങ്ങിയിരുന്നൊരു നദി...
ഇന്നീ വേനലിൽ നിന്റെ ഓർമ്മകളുടെ താപത്തിൽ വരണ്ട്-
ഒഴുക്കുനിലച്ചൊരു നദി ....
ഇനിയൊരിടവപ്പാതിക്കുവേണ്ടി കാത്തിരുന്ന്
മൃതിയടഞ്ഞുകൊണ്ടിരിക്കെയാണ്..