സിദ്ധൻ ചോദിച്ചു...
"എന്നെ...എന്നെക്കുറിച്ച്... അറിയണം..മുഴുവനായി!!!"
കീരൻ കാര്യം നിവർത്തിച്ചു....
"ഹഹഹഹ...ഹഹഹ...."
സിദ്ധൻ ആർത്തട്ടഹസിക്കുന്നു....
"ആരെക്കുറിച്ചും മുഴോനായി മനസ്സിലാക്കുക പ്രയാസം...."
സിദ്ധൻ കണ്ണുകളടച്ചിരിക്കുന്നു....
ധ്യാനം!!!
കീരൻ അത്യന്തം മോഹഭംഗത്തോടെ കയറിവന്ന വഴികളാലോചിച്ചു...
കല്ലുകൾ ചവിട്ടി രക്തം പൊടിഞ്ഞു കട്ടപിടിച്ച കാലുകൾ നോക്കി....വെയിലുകൊണ്ടു പൊള്ളിയ നെറ്റി വിരലുകളാൽ ഉഴിഞ്ഞു....
കാത്തിരുപ്പ്!!!
ആ മഹാമേരുവിന്റെ ചുവട്ടിൽ കീരനും സിദ്ധനും മാത്രം...കാറ്റുപോലും വീശാൻ മറക്കുന്നു...
കീരന്റെ ഹൃദയമിടിപ്പ് കൂടി വരുന്നു...നടന്നു തീർത്ത വഴികളെല്ലാം മറവിയെടുക്കുന്നു... തൊണ്ട വരളുന്നു....
വിശപ്പ്!!!
ദൂരെ നിന്നും കുറുക്കന്റെ ഓരിയിടൽ കേൾക്കുന്നു...ചെവികളിൽ വണ്ടുകൾ മൂളുന്നു...ചീഞ്ഞ മൃതശരീരഗന്ധം നാസാരന്ധ്രളെ തുളക്കുന്നു...
കണ്ണുകളടഞ്ഞുപോകുന്നു.
ഉറക്കം!!! ഒടുക്കം മറവിയാണ്....
No comments:
Post a Comment