അവനെ മാത്രം കാത്തിരിക്കുക...
അവന്റെ വേരിനാൽ
ആഴം കൊള്ളുക...
അവന്റെ സിരകളിൽ പടരുക...
അവന്റെ ചില്ലകളിൽ
പൂക്കുക...
അവന്റെ നെഞ്ചിൽ
ഇതൾ പൊഴിക്കുക...
അവന്റെ ഋതുക്കളിൽ
പുനർജ്ജനിക്കുക...
അവളെ മാത്രം തേടുക....
അവളുടെ ആഴങ്ങളെ അറിയുക...
അവളെ സിരകളിൽ പേറുക...
അവൾക്ക് പൂക്കാൻ ചില്ലകൾ നൽകുക...
ഇതൾപൊഴിഞ്ഞുവീഴാൻ
മണ്ണ് നൽകുക...
അവളെ വീണ്ടും ആവാഹിക്കുക!
അവളുടെ കാത്തിരിപ്പിനൊടുവിൽ
അവൻ വീണ്ടും പുനർജനിക്കുന്നു...
അവളുടെ വസന്തങ്ങളിൽ അവൻ ചുവന്നു പൂക്കുന്നു...
അവനവളുടെ ഉന്മാദമാകുന്നു...
അവർ പുണർന്നുയരുന്നു
അനന്തതയിലലിയുന്നു...
അവൾ പൂർണമാകുന്നു... അവൻ പൂർത്തിയാകുന്നു...
No comments:
Post a Comment