നമുക്ക് പ്രണയിക്കാം...
ഇടവപ്പാതി പോലെ ഇടമുറിയാതൊഴുകാം...
നിന്റെ ഋതുക്കളിൽ നമുക്ക് ചുവന്ന് പൂക്കാം...
ദൂരങ്ങളിൽ നമുക്ക് സ്വപ്നകൊട്ടാരങ്ങൾ പണിയാം...
ലോകമറിയാതെ നമുക്ക് പ്രണയിക്കാം...
നീയും ഞാനും മാത്രമുള്ളൊരു ലോകത്ത് നമുക്ക് കൈകോർത്തു നടക്കാം...
പകലവസാനിക്കുമ്പോൾ നിന്റെ ദേഹസുഗന്ധം എന്നെ പൊതിയണം
നിന്റെ ശ്വേതകണം രുചിക്കണം...
ചുണ്ടിലെ മധുരം നുകരണം-
ജീവശ്വാസം തേടണം...
നിന്റെ മാറിലെ വസന്തത്തിനെ ചുംബിച്ചുണർത്തണം...
നാഭിയിലാഴമളക്കണം...
നിന്റെ നിറങ്ങൾ പൂക്കുമ്പോൾ ഞാനതിലലിയണം
അവസാനം...ഒരേ പുതപ്പിൽ ഒരേ താപത്തിൽ
ഒരിറ്റിടമില്ലാതെ ഹൃദയതാളം താരാട്ടാവണം...
ഒടുവിലൊരു ചുംബനത്തിലൊരുമിച്ചണയണം.
No comments:
Post a Comment